Ginpahayag sang national commander sang Task Force Kasanag nga tuig 2022 pa lang nagpasa na sila sang complaint sa Office of the Ombudsman batok sa Department of Public Works and Highways (DPWH) sa nagakatabo nga anomalya sa flood control projects.
Sa interview sang Bombo Radyo kay John Chiong, nagpasa na sila sadto sang mga ebidensya angot sa involvement sang mga congressman sa bidding sa mga proyekto.
Suno diri, ginhambalan sila sadto sang Office of the Ombudsman nga kulang ang ila ebidensya kag nagpalapit pa sila sa Commission on Audit (COA) apang wala man ginhatag ang ila request.
Pahayag ni Chiong, sadto pa lamang nakahibalo na sila nga 100 percent nga may nagakatabo nga arranged bidding kag mismo ila ginpadulongan ang mga palpak nga proyekto.
Ginakasubo sini nga kun san-o pa nga may natabo na nga dako nga halit ang anomalya sa flood control project amo pa lang nga ginsapak ang problema nga sang tuig 2022 pa tani nahatagan sang pagtamod.
Suno pa diri, kun ano man ang gina-imbestigaran sang blue ribbon commitee, may yara na sila sang kopya humalin pa sadto.
