Maga-apela ang national commander sang Task Force Kasanag sa national office sang Civil Service Commission agud nga mapadasig ang pagdesisyon sa mga ginpahalin nga empleyado sang Bacolod Water District.
Sa interview sang Bombo Radyo Bacolod kay John Chiong, bilang ginasaligan nga public office, tinguhaon sini nga mangayo sang update kag mapadasig ang pagdesisyon agud nga mainstall na liwat ang mga ginpahalin nga empleyado sang BACIWA.
Suno kay Chiong tinguhaon sini nga malili ang kag malantaw ang development sa issue sang BACIWA employees kag tinguhaon man sini nga makapangayo sang bulig kay Civil Service Commission chairman Karlo Alexei B. Nograles, agud nga mapadasig ang pagdesisyon sa ginfile sang mga napahalin nga mga BACIWA employees.
Samtang, nagapangabay man ini nga ienhanced pa sang mga kapulisan sa syudad sang Bacolod ang ila strategy sa pagsolbar sang kaso sang mga nagluntad nga mga shooting incidents bangud sa nakita wala na nahadlok ang mga suspek sa paghimo sang krimen sa karun.
Nahibaluan nga may yara na sang kapin dose ka shooting incidents ang nagluntad sa syudad sang Bacolod.
