Pangabay sang Task Force Kasanag nga kuntani tutukan na lamang ang mga problema sa pungsod sangsa impeachment nga nagatuga lamang sang division.
Sa interview sang Bombo Radyo Bacolod kay Task Force Kasanag National Commander John Chiong, indi gid ini kompormi sa pagduso sang impeachment bangod ini ang nagatuga lamang sang pagbinahin-bahin.
Pahayag sini nga indi na normal ang problema sa kapigaduhon sa Pilipinas, kag amo dapat ang tutukan.
Suno kay Chiong, kun good governance ang tuyo, dapat ang problema sang pungsod ang mas tutukan kag indi ang kaangay sang impeachment nga nagahatag lamang sang dugang nga problema.
Pahanumdom sini nga ginalauman sa mga government officials ang maayo nga serbisyo apang ang mga ini pa ang nagatuga sang pagbinahin-bahin.
Ginakasubo sini nga ang pro-Duterte kag anti-Duterte ang nagasampok kag nagahabuyanay sang argumento.
Suno diri, siya ang pabor gid sa panawagan sang Iglesia Ni Cristo sa ginpatigayon nga National Rally for Peace.
Pasalig ni Chiong nga ang Task Force Kasanag ang non-political.
Sa baylo ang ginatindugan amo ang “no body is above the law”.// Suno diri, indi madeny nga kun impluwensyado, mataas ang posisyon sa gobyerno, ang mabudlay bunggo-on.// Sila sa Task Force Kasanag amo ang nagatindog agud mag-away para sa mga ini.
