Magasugod na sa Lunes ang Task Force Kontra Colorum sa pagpangdakop sang mga vehicles nga wala sang nagakaigo nga lisensya kag prangkisa.
Sa interview sang Bombo Radyo kay Bacolod Traffic Authority Office (BTAO) Head Police Major Junji Liba, sa Sabado, may yara sila sang patigayunon nga orientation sa augmentation sang mga miyembro sang Task Force.
Suno sa iya, mga colorum nga tricycle ang ila una nga target bangud sila ang masami nga ginareklamo sang legitimate nga mga asosasyon.
Suno diri, ila man iga-address ang iban pa nga mga concern kaangay sang e-bike kag mga trisikad.
Sa kabug-usan suno kay Liba, may yara sang kapin 80 ka mga miyembro ang task force lakip na diri ang 23 ka mga volunteers.
Suno diri, may yara sang 46 ka mga volunteers kag gintunga ang mga ini gani sa duha sa batch, nga amu ang magabulos-bulos sa pagtrabaho kada adlaw.
Magadepende naman ang area kun diin sila maga-operate kag magapanakop man ang mga ini sang mga salakyan nga wala sa insakto nga routa.
Suno sa pinuno sang BTAO, depende sa mga nagabyahe nga colorum kun sila ang magauntat ukon indi apang kun sila ang madakpan, sundon gid sang BTAO ang ila mandato.
Aminado ini nga kinahanglan sang force ukon manpower kag nagpropose ini sang dugang nga 50 suno diri, apang alang-alang pa bangud madamo pa sang prayoridad ang alkalde.
