Handa na ang Task Force kontra Colurum sa pagpangdakop sa mga nagabyahe nga tricycle nga wala sang nagakaigo nga prangkisa kag lisensya sa Lunes, Pebrero 20.
Sa interview sang Bombo Radyo kay Police Major Junji Liba, pinuno sang Bacolod Traffic Authority Office (BTAO), ila natigayon kahapon ang orientation kag lecture angot sa City Ordinance nga pagdakop sa colurum nga mga tricycle.
Suno diri, nahuman na ang team sa tagsa ka mga area.
Ang 46 ka mga volunteers gikan sa mga lisensyado nga mga asosasyon ang maga look-out kag magadugang sa manpower kag security.
Samtang, pangunahan naman ini sang organic member sang BTAO kasubong man sang pwersa sang kapulisan nga magatindog bilang supervisor.
Ang madakpan nga wala sang nagakaigo nga papel sa pagbyahe ang magabayad sang penalty nga P1,500 kag mahimo man nga ma-impound ang mga tricycle.
Suno kay Liba, dugay na nga ginpaandaman ang mga tricycle driver kag nakahibalo na ang mga ini nga problema sa tropiko ang colurum vehicles.
