Nalakip ang Department of Justice (DOJ), Armed Forces of the Philippines kag Philippine National Police (PNP) sa mga ahensya nga mangin kabahin sang task force batok sa vote-buying suno sa isa ka opisyal nagikan sa Commission on Elections.
Suno kay Commissioner George Garcia, ang multi-agency task force ang igaconstitute sa Miyerkules.
Suno sa iya, ini ang pagapangunahan sang Comelec kag kabahin man diri ang DOJ, National Bureau of Investigation, Philippine Information Agency, Armed Forces of the Philippines, kag PNP.
Suno kay Garcia, ang pagtukod sang task force ang may tinutuyo nga ipakita sa mga kandidato kag sa publiko nga seryoso ang gobyero sa pagtapna sang vote-buying incidents.
Suno diri, ang task force ang sarang nga makalunsyar sang motu proprio investigation apisar nga wala sang formal complaint nagikan sa isa ka indibidwal.
Sang tinalikdan nga semana, gindiscourage sang Malacanang ang publiko sa pagbakal kag pagbaligya sang boto bangud ini ang offense batok sa Eleksyon.
Suno kay Acting deputy presidential spokesperson Kristian Ablan, ang sin-o man nga mapamatud-an nga guilty sang mga hilikuton nga nagalapas sa Omnibus Election Code ang magapangatubang sang pagkapriso kag magabayad sang multa.
