Ginapasanyog sang Bacolod Permits and Licensing Office ang operasyon sang Task Force on Business and Tax Mapping batok sa mga business extablishments nga naga-operar nga wala sang business permit.
Sa interview sang Bombo Radyo Bacolod kay Secretary to the Mayor Atty Marty Go, man mandato si Bacolod City Mayor Alfredo “Albee” Benitez sa idalom sang Executive Order No. 2 series of 2022 sa reactivation sang Task Force on Business and Tax Mapping.
Sila ang nagalibot agud maseguro nga wala sang naga-operate sang negosyo sa ciudad nga wala nakagawad sang business permits ukon expired na.
Sa pagtakop sang Business One Stop Shop, mas pasanyugon pa ang operasyon sang Task Force on Business and Tax Mapping.
Ang operasyon man ang rasun agud makita nga wala sang fire safety permit ang isa ka sikat nga fast food restaurant nga McDonald’s Buri Road Branch nga nagsoft opening lamang sang Pebrero 1.
Suno kay Go, ang establishimento ang una nga nakita bangod ini ang bag-o pa lamang nag-operar.
Matapos mapalab-ot ang notice, gilayon man nga nagsabat ang fastfood restarant kag nagapasalig nga sila ang boluntaryo nga magasarado.
Suno sa mga ini sila ang magabukas na lamang kun makompleto na ang mga requirments
