Nagtukod na ang City Government sang Bacolod sang Task Force Paputok 2019 paagi sa Executive Order nga ginpermahan ni Vice Mayor El Cid Familiaran.
Tinutuyo sini nga mapahagan-hagan ang injuries nga may kaangtanan sa paggamit sang palupok.
Miyembro man sang task force ang iban nga ahensya sang kaangay sang Bacolod City Police Office kag Bureau of Fire Protection.
Kadungan sini, gintalana ang bakante nga lote sa tupad sang Pope John Paul Tower sa reclamation area bilang designated area para sa mga nagabaligya sang firecrackers.
Suno kay Executive Assistant to the Mayor Ernie Pineda, masobra na 60 ka mga retailers sang palupok ang nagproseso sang permit.
Ginpahanumdum man sini ang publiko nga ginadumilian ang pagbaligya sang firecrackers sa mga tyange.
