Magapatigayon sang tatlo ka adlaw nga Simulation Exercise (SimEx) sang updated nga routa sa idalom sang Local Public Transport Route Plan, (LTPRP) nga magasugod subong nga adlaw Hunyo 25 tubtob 27 sa ciudad sang Bacolod.
Sa 44 ka mga routa nga gina-agyan sang Public Utility Jeepney kun sa diin 24 diri ang naaprubahan sang LTPRP.
Ang Simulation Exercise pamaagi sang ciudad agud mahibaluan kag mavalidate and demand sang mga pasahero kag madeterminar ang posible nga problema sa pagpatuman sang bag-o nga routa.
Suno kay City Administrator Atty Pacifico Maghari III, may yara sang 1, 537 ka mga units ang magapartisipar sa SimEx, kun sa diin kapin 900 diri ang traditional jeepneys nga may yara sang Provisional Authority (PA) kag 555 diri ang modernized jeepney
Suno diri, kun ini maaprubahahan sang tanan, posible nga dakpon ang sang LTFRB ang mga traditional jeepney nga nagabyahe sa ciudad nga wala sang Provisional Authority.
Panugyan ni Maghari sa publiko nga makig-isa sa pagbag-o sang routa agud mahibaluan kun sarang kag supesyente ini para sa tanan.
Samtang, maga-assist man ang Bacolod Traffic Authority Office sa Simulation Exercise.
Sa interview sang Bombo Radyo kay BTAO Head Police Major Junji Liba, may yara sang gindeploy nga mga traffic enforcers para ibutang sa mga major intersections nga paga-agyan sang LTPRP.
Suno diri, may yara sang gin-augment nga mga enforcers nga mangin surveyor sa mga modornized kag traditional jeepney nga magabyahe kun sa diin ila igarecord ang mga plate numbers.
Dugang pa niya, dapat nga tinguhaan nga mapalapta ang impormasyon angot sa Simulation Exercise nga patigayunon sa sulod sang tatlo ka adlaw
