Liwat nga nakarekord sang tatlo ka minor eruption ang Bulkan Taal kahapon sang aga, Oktubre 26, 2025.
Suno sa Philippine Institute of Volcanology and Seismology (Phivolcs), narekord ang una nga phreatic eruption alas 2:55 sang kaagahon.
Ini ang ginsundan sang duha ka phreatomagmatic eruptions alas 8:13 kag alas 8:20 sang aga.
Ang na-eksperyensyahan nga phreatomagmatic eruptions ang bangud sa pagmeet sang magma kag tubig sa baba sang bulkan samtang ang phreatic eruption ang gintunaan sang steam explosion kun ginpainit sang magma ang duta ukon tubig sa ibabaw sang baba sini.
Na-obserbahan man sang IP kag thermal cameras sang Phivolcs ang pagwa sang dalagko nga mga bato nga nagdangat sa 1,200 tubtob 2,100 meters nagikan sa ibabaw sang crater sang bulkan.
Samtang, nagapabilin naman sa Alert Level 1 ang Taal Volcano kun sa diin hugot nga ginadumilian ang pagsulod sa Permanent Danger Zone (PDZ) sang isla, pag-boat sa lake kag paglupad sang eroplano malapit sa bulkan.
