Nagdangat na sa masobra 10,000 ang nakaparehistro nga negosyo as of January 9, 2026.
Suno kay Stela Rose Rayos, head sang Business Permit and Licensing Office, 10,147 na ang nakaparegister samtang 520 na ka mayors permit ang napanagtag.
Suno diri, iya ginapahanumdom sa mga tax payers nga ang Business One Stop Shop ang naextend tubtob na lamang sa Marso 31.
Suno pa diri, online na ang tanan nga process sa pagkuha sang permit paagi sa ebpls.bacolodcity.gov.ph.
May yara man sang national agencies nga present sa BOSS para mas mahapos ang processing kaangay sang PAG-IBIG, Bureau of Internal Revenue (BIR), Securities And Exchange Commission (SEC) kag Social Security System (SSS).
Samtang, pahayag ni Rayos humalin sang nag-umpisa ang BOSS, ang Barangay Felisa, 11 kag 39 wala gid nakapakita sang presensya sa Bacolod City Government Center.
