Partially-damaged matapos masunog ang tatlo ka bloke sa balaligyaan sa Barangay Gargato, Hinigaran, Negros Occidental kahapon sang hapon.
Sa interview sang Bombo Radyo Bacolod kay Fire Officer 1 Yancy Jay Roehl T. Demontaño, Fire Investigator sang Hinigaran Municipal Fire Station, nakabaton sang tawag ang Municipal Disaster Risk Reduction Management Office (MDRRMO) sang Hinigaran alas 12:55 ang takna sang udto nga may sunog kag ginpahibalo ang mga ini kag gilayon man nga nagresponde.
Ang ginluntaran sang sunog ang yara sa Rizal St., National Road, Gochangco Building, Barangay Gargato.
Suno kay Demontaño, gindeklarar nga fire under control ala 1:30 ang takna sa hapon kag nafire-out alas 1:55 ang takna sa hapon.
Suno diri, wala sang nasamaran sa nagluntad nga sunog.
Nagapadayon pa ang ila nga imbestigasyon agud nga mahibaluan ang ginhalinan sang kalayo sa nagluntad nga sunog.
