Nakit-an na ang tatlo ka solterito nga gina-alegar nagapangayo-kayo samtang nagabitbit sang kutsilyo sa Bacolod Downtown Area.
Sa interview sang Bombo Radyo Bacolod kay Police Captain Francis Depasucat, station commander sang Bacolod Police Station 1, matapos makita ang social media post, gilayon nila nga ginpangita ang mga kabataan.
Ang mga ini ang naga-edad sang 12, 13 kag 15 anyos, residente sang Brgy Bata, Brgy 35 kag Brgy 12, kag gintumod naman nila ang guardian sang duha kag ang iloy sang isa ka bata.
Suno kay Depasucat, bilog nga adlaw nila nga ginpangita ang mga kabataan kahapon, kag sila ang natigayon nga nakit-an kaina sang aga.
Bangod indi pwede nga mapriso ang mga minors, sila ang ginturn-over sa Department of Social Services and Development pinaagi sa pagkoordinar sang Women and Children Protection Desk sang Bacolod Police Station 1.
Kun sa diin ang mga kabataan kaupod sa ila guardians kag ginikanan ang ipaidalom sa orientation sa pagtinguha nga mabag-o ang ila nga mga mindset.
Isa sa mga kabataan ang nagpahayag nga siya ang tumandok sa Cadiz City kag naga-eskwela pa sang yara didto, apang siya ang gindala sang iya magulang sa Brgy 31.
Ini ang wala na naka-eskwela, kag masami nagalagaw, apang paathag sang mga solterito nga sila ang nagapauli man sa ila mga panimalay.
