Natupok ang tatlo ka mga balay matapos masunog ini sa sulod sang isa ka compound sa Prk. Loney 1, Barangay Mambulac, syudad sang Silay mga alas-otso ang takna kagab-i.
Sa interview sang Bombo Radyo Bacolod sa isa ka residente sang nasambit nga lugar, ginpahayag sini nga totally damaged ang balay nga ginpanag-iyahan ni Maria Ramos.
Suno diri ginpanugyanan sini ang mga pumuluyo nga indi magpanic bangud ikaduha na ini nga kahigayunan nga nagluntad ang sunog sa lugar kag nagatinapik-tapik ang mga balay.
Natigayon naman nga mapalong ang kalayo paagi sa pagbinuligay sang mga pumuluyo antes paman nag-abot ang katapo sang Bureau of Fire Protection (BFP).
Wala naman sang nasamaran sa nasambit nga sunog.
Ginahulat pa sa karun ang resulta sang imbestigasyon sang BFP angot sa sunog.
