Makaluluoy ang mga kabataan kag mga katigulangan nga biktima sang nagluntad nga engkwentro sa tunga sang New People’s Army (NPA) kag 62nd Infantry Battalion sang Philippine Army sa Barangay Quintin Remo, Moises Padilla, kahapon.
May yara sang tatlo ka evacuation area nga ginalakipan sang Sitio Mambalio kag Sitio Nacuruhan sa Barangay Quintin Remo, Moises Padilla, kag Brgy Sebacauan sa banwa sang Isabela.
Sa interview sang Bombo Radyo Bacolod kay Vice Mayor Adrian Ian Villaflor, timprano pa sang kaagahon kahapon sang nagpadulong ang mga pumuluyo sang Barangay Quintin Remo sa evacuation center.
Suno diri, naplastar na ang mga evacuees kag wala man nagpabaya ang mga otoridad sa ila obligasyon nga mahatag ang kinahanglanon sang mga evacuees.
Paathag ni Villaflor, indi pa mapasugtan nga makablik sa ila nga mga puluy-an ang mga residente samtang padayon pa nga gina-clear ang area.
Suno kay Villaflor, sa nagluntad nga engkwentro makaluluoy ang mga kabataan kag katigulangan nga nagtalang-talang bangod sa nerbyos kag nagkalapilasan para lang makapalagyo kag makapalayo sa engkwentro.
