Naluwas ang tatlo ka manugpangisda sa bulig sang Singaporean-flagged bulk carrier matapos mag-utaw utaw sa kadagatan sa sulod sang 36 oras sang nagkulob ang ila bangka sang Enero 23.
Ang mga manugpangisda lunsay mga residente sang Brgy Culipapa, banwa sang Hinobaan nga sakay sang MB Princess Henna nga fishing boat.
Suno kay Daph Anthony Reliquias, nalabyan sang Singaporean-flagged bulk carrier ang tatlo ka mga manugpangisda nga naga-utaw utaw sa kadagatan nga sakop sang Zamboanga del Norte, kag ini ang ila ginbuligan.
Suno diri, nakig-angot ang Singaporean-flagged bulk carrier sa Coast Guard Station Northern Negros Occidental kag natigayon nga maturn-over ang tatlo kahapon.
Nahatagan na ang tatlo sang nagakaigo nga pagbulong kag bulig gikan sa Local Government Unit.
