Tatlo ka mga miyembro sang Yunit Militia sang Leonardo Panaligan Command-New People’s Army (CN1 LPC-NPA) Central Negros ang arestado sa kalalangan sang search warrant nga ginserbe sang Joint Operation sang AFP-PNP Central Negros sa Barangay San Agustin, Isabela, Negros Occidental kahapon.
Sa interview sang Bombo Radyo Bacolod kay Lt. Col. Melvin Flores, acting commanding officer sang 62 Infantry Battalion sang Philippine Army, ginkilala ang mga nadakpan kanday Weniefredo Carillo Sr., 51-anyos, vice commanding officer sang Yunit Militia; Martillano Lindayao, 46 anyos, kasado kag Dimas Lindayao, 40 anyos, lunsay mga miyembro sang yunit militia.
Nakuha sa paghinakop sang mga ini ang isa ka .45 caliber pistol, isa ka magazine kag lima ka live ammunitions.
Ang search warrant ang gin-isyu ni Judge Cyclamen Jison Fernandez sang Regional Trial Court Branch No. 63 sa La Carlota City sa kaso nga RA 10591 ukon Comprehensive Firearms and Ammunitions Regulations Act sadtong Hulyo 30, 2020.
Santo sa record sang PNP si Lindayao ang may kaso na nga daan nga double murder.
Suno kay Lt. Col. Flores, may yara sang nag-upod nga nagikan sa barangay council sang nasambit nga barangay for legal purposes sa pagpangita sang mga suspetsado.
Sa karon, ang mga naaresto ang nakahunong sa Isabela Municipal Police Station.
Ginkompirmar man ni Flores nga indi makabaton sang Enhanced Comprehensive Local Integration Program (E-CLIP) ang mga nadakpan bangud ang qualified lamang ang mga nagsungka nga mga miyembro sang NPA.
