Tatlo ka mga miyembro sang New People’s Army ang nagsungka sa 94th Infantry Battalion sa Kabankalan City, Negros Occidental.
Sa impormasyon nga nakuha sang Bombo Radyo, nagsungka si alyas Godo, squad leader sang Central Negros Front 2, kaupod ang iya asawa nga si Lani; utod nga si Ryan; kag iloy nga si Merlyn, isa ka mass supporter, agud makaagom sang malinong nga kabuhi.
Suno kay Godo, nakapoy na ang mga ini sa masami na lamang nga pagpalagyo bangud sa mga operasyon nga ginapatigayon sang mga militar.
Suno diri, siya ang na-enggayo nga magbalik sa sabak sang gobyerno matapos sini nakit-an ang iya mga kaupdanan nga una na nga nagsungka, nga nagapangabuhi na sang malinong kag maayo.
Diri sini narealisar nga sincero ang gobyerno sa pagbulik sa mga rebelde nga luyag na magbiya sa kawsa.
Ginsurrender man sang pamilya ang isa ka M16 kag isa ka calibre .30 carbine M2 rifle nga may mga magazines kag ammunition.
