Ginturn-over na sa Mabinay Municipal Police Station ang tatlo ka mga suspetsado nga nadakpan nga igabaligya kuntani ang gina-alegar ginkawat nga cell site batteries sa isa ka junk shop sa Barangay 25, Mabini Street sa siyudad sang Bacolod, kahapon.
136 ka batteries ang narecover nga ginkawat sa syudad sang Bacolod samtang may yara sang 15 nga nakuha nagikan sa Mabinay, Negros Oriental.
Nahibaluan nga walo ang mga suspetsado apang tatlo lamang ang naaresto.
Ginkilala ang mga ini sanday Erwin Aribato, 30-anyos, residente sang Purok Riverside, Barangay Banago; Romelyn Quiatchon, 26-anyos, residente sang Purok Mahimulaton, Barangay Banago; kag Joseph Villanueva, 30-anyos, residente sang Purok Kasagingan, Barangay Banago.
Sa interview sang Bombo Radyo Bacolod kay Police Lt. Col. Sherlock Gabana, spokesperson sang Bacolod City Police Office, santo sa ila nga impormasyon, ang mga cellsites nga ginpangkawatan sang battery sa syudad sang Bacolod ang yara sa Barangay Estefania, Granada kag Barangay Pahanocoy.
Suno kay Gabana, sang tinalikdan nga adlaw ginoperate ang mga ini sa Mabinay Negros Oriental kag ginhot pursuit lamang paagi sa joint operation sang Bacolod City Police Office kag Mabinay Police Station tubtob nga nalocate ang mga suspek kag natigayon nga madakpan sa isa ka junk shop sa syudad sang Bacolod.
Suno kay Gabana, pagkita sang mga kapulisan sa mga suspek, wala anay sang mga ini gindakop sabaylo ginsundan nila ini agud mahibaluan kun sa diin ginadispose sang mga ini ang ila ginpangkawat.
Una nalocate sang mga kapulisan ang suspek sa Barangay Banago bangud didto nakita ang salakyan kag isa sa mga suspek ang residente sang nasambit nga barangay.
Suno kay Gabana, walo tanan ang suspek ang tatlo lamang ang nadakpan matapos ang iban ang nakapalagyo.
Suno diri, Makabig nga organisado nga grupo ang nagahimo sang pagpangawat sang mga batteries apang indi pa matumod kun may yara sang tawo nga sa likod sang mga ini.
Isa sa mga nadakpan ang may arrest warrant sa paglapas sa RA 9165 ukon Comprehensive Dangerous Drugs Act of 2002 samtang ang isa ang may arrest warrant sa robbery.
Suno naman kay Bacolod City Police Office Director Police Col. Noel Aliño, sa Mabinay, Negros Oriental natabo ang pagpangawat gani ginturn-over na ang mga suspetsado sa kustodiya sang kapulisan didto.
Suno diri, ang cellsite battery ang nagabalor sang P100,000 kada isa.
Suno kay Aliño, sila ang magapasaka sang nagakaigo nga kaso sa mga ini.
Pagatsekyaron man nila ang involvement ni Dennis Coo Jr., kun sa diin nakapangalan ang permit sang junk shop bangud posible nga financier ini ukon leader sang grupo.
Suno diri, mangin ang mga signage sang mga kalye, copper wires kag kable sang kuryente ang nakit-an man sa junk shop
