Tatlo ka mga persona ang patay sa separado nga mga aksidente sa dalanon sa ciudad sang Bacolod kag probinsya sang Negros Occidental sang tinalikdan nga Abril 13.
Dead on arrival sa ospital si Ricardo Millarez III, 38-anyos samtang pilason naman ang backrider sini nga si Ma. Cecilia Mallanes, 49-anyos matapos nga makabunggo ang ila motorsiklo sa na-aberiya nga canter truck nga ginadala nanday Welmar kag Wendell Zambrona sa Brgy. Tabunan, Bago City.
Patay man si Nolie Galvez, 23-anyos sang Brgy. Bantayan, Kabankalan City matapos nga makabunggo ang ginadala sini nga motorsiklo sa naka-park nga truck nga kargado sang tubo sa Prk. Kawayanan, Brgy. Tagok sang amo man nga ciudad.
Gindeklarar naman nga dead on arrival ang pedestrian nga si Lourdes Dela Perrie, 99-anyos matapos nga mabungguan sang salakyan nga ginadala ni Hermie John Fernandez, 29-anyos sa Barangay Mansilingan, Bacolod City.
Nakaangkon man sang pilas sa lawas si Fernandez kag nagapabilin pa karon sa ospital.
