Tatlo ka indibidwal ang napatay sa Negros Oriental bangod sa Tropical Storm Agaton samtang pila naman ka lugar sa Visayas kag Mindanao ang naka-eksperyensya sang pagbaha tuga sang mga pag-ulan dala sang bagyo.
Ang tatlo ka mga nadulaan sang kabuhi ang gikan sa banwa sang Basay, Negros Oriental.
Ini ang ginalakipan sang apat ka tuig nga bata nga nalumos sa isa ka suba sa Barangay Bongalonan.
Sa pihak nga bahin ginsulod naman sang mga otoridad ang Barangay Limbo, Sultan Kudarat kun sa diin tubtob sa hawak ang baha, agud nga mabuligan ang mga residente.
Pahayag sang isa ka rescuer nga ang baha ang nagikan sa bukid, naglabay sa suba kag nagdaludo padulong sa Barangay Limbo.
Santo sa Bureau of Fire Protection (BFP), indi magnubo sa 15 ka indibidwal ang narescue sa lugar kun sa diin madamo ang mga kabataan.
Pila naman ka bahin sang munisipalidad sang Pikit sa Cotabato ang nalumos sa baha bangod sa wala untat nga pag-ulan humalin sang Lunes.
Kapin 15 mil nga mga pamilya ang apektado bangod sa mga pagbaha sa Cotabato.
Samtang ginrescue naman sang Philippine Coast Guard (PCG) Sub-Station Maasim ang duha ka manugpanagat sa Maasim, Sarangani matapos nga magkulob ang ila nga sakayan bangod sa tuman ka balod nga kadagatan dala sang malain nga tiyempo.
Pila ka mga balay sa probinsya ang nagkalaguba matapos matumbahan sang mga nagkalatumba nga puno sang kahoy.
Samtang may nareport naman nga landslide sa Barangay Bangaan sa Banaue, Ifugao tuga sang localized thunderstorm.
Nagapadayun naman sa karun ang clearing operations sa lugar.
Ang bagyo Agaton ang naglandfall sa Calicoan Islan sa Guian alas-7:0 sang aga kahapon.
