Mahimo nga makapyansa kag mahilway sa pagkapreso ang tatlo ka persona nga ginkasuhan matapos maglapas sa Republic Act 10168 ukon Terrorism Financing Prevention and Suppression Act of 2012 sa probinsya sang Negros Occidental.
Separado ang ginpatigayon nga pagserbe sang warrant of arrest sa mga subject sa banwa sang Pulupandan kag Cauayan sa probinsya sang Negros Occidental sang Disyembre 2, 2024.
Nadakpan si Federico Salvilla alas-7:00 sang gab-i sa Pulupandan kag si Perla Jaleco ang naaresto naman alas-8:00 sang gab-i sa Cauayan.
Kasunod sini nagsungka sa Negros Occidental Police Provincial Office si Dharyll Albanez.
Si Albanez kag Salvilla ang lunsay may 2 counts sang terrorism financing samtang 3 counts naman ang kay Pavillar.
Sa interview sang Bombo Radyo Bacolod kay Brigadier General Joey Escanillas, commander, 302nd Infantry Brigade sang Philippine Army, ginpasakaan sang kaso ang tatlo ka persona bangod sa pagsuporta sa NPA.
Suno diri, posible nga makapyansa ang tatlo kag temporaryo nga mahilway sa pagkapreso.
