Dakop ang tatlo ka mga persona matapos nga makuhaan sang illegal nga druga sa ginpatigayon nga drug buybust operation sa Purok Bayanihan, Barangay Villamonte, Bacolod City, kahapon sang kaagahon.
Ginkilala ang mga arestado nanday Elnar Alegria, 36-anyos, Adonis Sueto 37-anyos, kag Mabel Aurelio, 28-anyos lunsay mga residente sang nasambit nga lugar.
Narekober sa mga ini ang kapin 61 grams sang suspected shabu nga ginabanta nagabalor sang P414,800 kag iban pa nga mga non-drug items.
Sa interview sang Bombo Radyo Bacolod kay Police Lt. Col. Antonio Benitez, pinuno sang Bacolod City Drug Enforcement Unit, antes ginpatigayon ang drug buybust operation may yara ang mga ini sang complaint nga nabaton nga nagakahangawa na ang mga residente bangud madamo na ang nagagwa sulod nga mga tawo kag nagasuspetso ang mga ini nga ang ila mga kaingod ang nagabaligya sang illegal nga druga.
Suno kay Benitez, bangud sa reklamo, nagpatigayon ang mga ini sang surveillance kag ila nakumpirmar nga may yara sang nagabaligya sang illegal nga druga gani nagpatigayon sila sang drug buybust operation.
Suno diri, ang isa sa tatlo ka mga nadakpan ang parolado sa kaso nga paglapas sa RA 9165 ukon Comprehensive Dangerous Drugs Act of 2002.
Ginpahayag man ni Benitez nga ang persona nga nadakpan sa banwa sang Murcia matapos nga naaksidente ang sa Barangay Villamonte nagadagdag sang supply sang illegal nga druga.
Ginalantaw nga may nagbulos lamang sa nadakpan sa banwa sang Murcia gani may yara naman sang ginabaligya nga drug items nga ginabaligya.
Ang mga nadakpan ang magapangatubang sang kaso nga RA 9165 ukon Comprehensive Dangerous Act of 2002.
