Nagkarambola ang tatlo ka mga salakyan sa Sitio Mojon, Barangay 1, Kabankalan City, Negros Occidental kahapon alas-11:39 sang aga.
Sa intervivew sang Bombo Radyo Bacolod kay Police Captain Sammy Gasataya, Deputy Chief of Police sang Kabankalan City Police Station, imboldado diri ang Isuzu dump truck, toyota innova kag suzuki celerio.
Sa imbestigasyon halin sa Kabankalan City ang isuzu dump truck padulong kuntani sa ciudad sang Bacolod samtang ini ang nagasunod naman sa isa ka tricycle nga hinali nagpundo.
Sa pagpaninguha sang dump truck nga indi madalahig ang tricycle iya ginwarik ang manubela apang nasugata sini ang Toyota Innova.
Kasunod sini, nagderetso pa ang dump truck kag nagbungo sa nakapark nga truck.
Wala naman sang may nasamaran sa nasambit nga aksidente.
