Nangin madinalag-on ang ginpatigayon nga closing ceremony sang International People’s Peace Solidarity Mission.
Sa closing ceremony sang tatlo ka semana nga aktibidad sang peace advocate group nga Buklod Kapayapaan Federation Inc.(BKFI) ginpakigbahin sang ila nga Presidente nga si Noel Legaspi nga ang pagpamatay sa Negros Island nga gin-ako sang makawala nga grupo nga CPP-NPA-NDF ang gintawag nila nga Spy Tagging bangud nga masami nga rason sang pagpatay sa mga biktima nga sibilyan amo nga gina-alegar nga asset ang mga ini sang Philippine Army.
Suno kay Legaspi, indi lang simple nga spy tagging ang ginhimo sang rebelde nga grupo bangud ginakabig nila ini nga summary execution.
Suno diri, sa ila nga assessment rampant ang nagakatabo nga pagpamatay bangud ini ang nagakatabo lamang sa Negros Island, samtang wala naman sang kaangay nga mga insidente sa Luzon, Mindanao kag iban nga bahin sang Visayas.
Ginpahayag man sini nga nagdangat sa 63 ang napatay sang makawala nga grupo humalin sang Enero 2025 tubtob sa recent killing.
