Patay ang tatlo ka tuig nga bata nga babayi samtang padayon nga ginabulong ang amay sini nga nasamaran matapos nga makabunggo sa buli sang nagapundo nga 6 wheelers truck nga ginakargahan sang tubo sa Barangay Quezon, ciudad sang San Carlos, Negros Occidental.
Sa interview sang Bombo Radyo Bacolod kay Police Senior Master Sergeant Rochester Batojan, Traffic Investigator sang San Carlos City Police Station, ang aksidente ang nagluntad alas 6:00 ang takna sang gab-i kun sa diin nakabunggo ang motorsiklo nga ginasakyan sang mag-amay sa nagapundo nga truck nga ginakargahan sang tubo.
Suno kay Batojan, santo sa pagestorya sini sa driver sang trucking, nagpundo ang mga ini sa higad sang dalan kag nagbutang sang early warning device.
Mapatughong kuntani ang trucking apang bangud wala na sang krudo, ginkuha nila ang early warning device agud maglakat na kuntani, gulpiyada lang nga naglagabong ang likod sang trucking bangud sa nakabunggo nga motorsiklo.
Ginbawian sang kabuhi ang bata matapos nga nagtabog bangud nagapungko sa unahan sang motorsiklo samtang ginbuligan sang tag-iya sang trucking nga madala sa hospital ang amay nga driver sang motorsiklo ang gindala sa ospital sa ciudad sang San Carlos agud nga madapatan sang pagbulong.
