Tatlo ka mga persona ang nagkalamatay sa isa ka Israeli strike malapit sa sur nga ciudad sang Sidon sang Domingo suno sa health ministry sang Lebanon.
Sa Israel, ginpahayag sang mga militar nga gin-intercept sini ang pila ka mga projectiles nga ginpanghaboy nagikan sa Lebanon pasulod sa teritoryo sang Israel samtang ang iban naman ang nagtupa sa unpopulated areas.
Ang Israel kag Hezbollah militants ang nagsugod sang pagbayluhanay sang atake humalin Setyembre 23 sang gin-escalate sang Israel ang air raids sa border matapos ang isa ka tuig nga pagbayluhanay sang pagpalupok.
Matapos ang isa ka semana, nagpadala ini sang ground troops sa sur nga Lebanon sa “targeted raids.”
Suno sa Hezbollah, ini ang nagahimo sang tikang bilang pagsuporta sa Palestinian militants Hamas, nga ang wala ginlauman nga pagpang-atake sa Israel sang Oktubre 7 sang tinalikdan nga tuig ang nagtrigger sang nagapadayon nga gyera sa Gaza.
