Tatlo ang pilason sa pagbunggoanay sang duha ka motorsiklo sa Sitio Magazine, Barangay Bago, banwa sang Salvador Benedicto kahapon.
Sa interview sang Bombo Radyo kay Police Major Eugene Tolentino, hepe sang Salvador Benedicto Municipal Police Station, nag-agom sang patal nga injury kag sa karun yara sa kritikal nga kondisyon ang driver sang Rusi motorcycle nga si Julyten Sapa, 34 anyos; samtang minor injuries naman ang na-agom sang duha ka menor de edad, 16 kag 14 anyos, nga sakay sang XRM motorcycle, kag sila ang lunsay mga residente sang nasambit nga barangay.
Sa imbestigasyon sang kapulisan, madasig ang pagpadalagan ni Sapa sang iya motorsiklo nga pagliko sini sa kurbada, wala niya nakit-an nga sugata sini ang motorsiko nga ginamaneho sang menor de edad kag dugang pa nga wala sang headlight ang motorsiklo ni Sapa kasubong man nga madulom ang area.
Suno sa mga nakakita, nagpahigad na ang motorsiklo sang menor de edad apang bangod nga madasig ang dalagan ni Sapa, wala na ini nakahingagaw kag nabungguan ang duha ka menor de edad.
