Wala gihapon sang identity ang tawo nga nasapwan nga tul-an nalang nga nakasulod sa sako sa Barangay Damsite, Murcia, Negros Occidental sang Miyerkules, Marso 15.
Sa intreview sang Bombo Radyo kay Police Major Marc Joel Reclamado, hepe sang Murcia Municipal Police Station, tubtob sa karun wala pa sang pamilya nga nagpadulong kun may na-missing nga himata.
Suno diri, ang skeleton yara lang sa gihapon sa sulod sang sako nga ila gindala sa morgue nga wala pa mahimo tandugon kag wala pa man napatigayonan sang skeletal examination, bangod nga wala pa naka-abot ang examineer.
Panawagan ni Reclamdor sa kun sin-o man ang may himata nga wala nakapauli, ukon na-missing nga sarang nga makakadto sa ila estasyon kay sila ang i-assist.
Kun matapos naman ang pag-examine sa tul-an kag wala pa sang may mag-claim, sila maga-coordinate sa LGUs para mahatagan ini sang husto nga paglubong.
