Luyag ni Bacolod City Mayor Alfredo Benitez nga ireview sang Sangguniang Panlungsod ang tax collection sang city government antes magpasaka sang buwis.
Nahibaluan nga ginamandu sang layi nga pasakaan ang buwis nga ginasukot sang local government unit kada tatlo tubtub lima ka tuig.
Suno kay Benitez, efficiency sang tax collection ang ginalagas sang ciudad bangud bisan magsaka pa ang percentage sang buwis kun indi efficient ang tax collection, ang maayo lang magbayad ang maigo sang increase.
Suno diri, luyag nila siguruhon nga makolekta sang maayo ang tanan nga buwis nga dapat kolektahon.
Bangud sini, naghingyo ini sa City Council kun efficient ang tax collection antes istoryahan ang tax increase.
May yara man sang kasugtanan ang ciudad sang Bacolod kag Iloilo angot sa benchmarking ukon indi maglayuay sa buwis nga pagabayaran sang mga negosyante.
Sa 85th Charter Day sang Bacolod kahapon, pila man ka taxpayers ang ginhatagan sang pasidungog bangud maayo sila magbayad.
