Napasa na sang provincial administrator sang Negros Occidental sa opisina sang gobernador ang proposal nga pagpasaka sang balayran sa Economic Enterprises Development Division (EEDD) kasubong man ang mga taxes, permits kag iban pa nga ginasukot sang probinsya sa mga transaction diri.
Sa interview sang Bombo Radyo Bacolod kay Atty. Rayfrando Diaz, tuig 2017 pa sang ulihi nga naghimo sang Provincial Revenue Code nga gin-aprubahan sang Sangguniang Panlalawigan.
Suno kay Diaz, tion na sa karun nga magdihon liwat sang Provincial Revenue Code kun sa diin ginapropose nga pasakaan ang ginabayran nga renta sa Economic Enterprises Development Division (EEDD) kaangay sang cyber center, Mambukal resort, Negros Residences kag iban pa.
Pasakaan man ang ginasukot nga taxes, permit fees kag iban pa nga ginasukot sang probinsya sa mga transactions.
Ang una nga bahin sang proposed 2022 Tax Revenue ang napaidalom na sa series of hearing sa Sangguniang Panlalawigan nga ginpangunahan sang Treasurer’s Office sang probinsya.
Napasa na ang proposal sa opisina sang gobernador kag sa tion nga maaprubahan, ini ang ipatuman sa tuig 2023.
