Na-scam ang isa ka taxi driver sang pasahero nga nagapakuno-kuno nga mabakal sang bulak sa ciudad sang Bacolod, Sabado sang gab-i.
Suno kay Ronald Allan Pelaez Salgado, pinuno sang Samahan ng mga Taxi Drivers sa Bacolod, halin sa SM City ang iya nga pasahero kag naghambal nga may ikarga siya nga 30 ka basket sang bulak.
Suno kay Palaez, nagpahayag ang pasahero nga mabayad sang P1,000 gani tuman man ang iya kalipay.
Pag-abot nila sa San Juan St., ginkarga sang mga nagabaligy ang 12 ka basket sang bulak.
Gani nagkumpyansa man siya nga siya ang mabayaran.
Naghingyo ang pasahero nga mahulam anay siya sang P1,800 sa driver agud idugang niya sa down payment bangud kulang ang iya nga kwarta.
Naghambal si Salgado nga P550 lamang ang nabilin niya nga kwarta.
Ginhulam sang pasahero ang P550 kag naghambal nga hulaton siya bangud kuhaon anay niya ang dugang niya nga bayad.
Apang, wala na ini nagbalik.
Ang ginatudlo nga scammer ang naka t-shirt nga itom kag ginabanta yara sa 5’6 ang kataason.
Si Salgado ang nagpa-blotter na sa Bacolod Police Station 1.
