Nagapalangluya kag nagpauli lang nga wala sang dala ang isa ka taxi driver matapos nga P100 lamang ang iya nga na-income sa iya pagbiyahe bilog nga adlaw, kahapon.
Ini matapos sa ginpagwa sang Land Transportation Franchising and Regulatory Board (LTFRB) nga dugang nga P15 sa flag down rate.
Sa interview sang Bombo Radyo Bacolod kay Ronald Allan Salgado, Presidente sang Samahan ng mga Taxi Association sa Bacolod, apisar nga wala sila nagpatuman sang saka sa flag down, maiwat ang mga pasahero nga nagasakay sa taxi.
Suno kay Salgado, haluson na gani sila makakuha sang pasahero nga P50 pa lang ang flag down ano pagid ayhan kun sukton ang mga ini sang P65.00.
Nahibaluan nga sa bag-o nga taxi fare matrix, P65 ang flagdown rate, kag may-ara na sang P13.50 nga adisyunal sa kada dugang nga kilometro, kag P2 per minute travel time.
Nagaduha-duha man ini nga magpatuman sang bag-o nga taxi fair matrix gikan sa LTFRB bangud wala nacalibrate ang ila metro.
Suno diri kun ipilit nila ang bag-o nga flagdown rate, mahimo nga magbaisay lamang ang taxi driver kag pasahero.
Bangud sini, nagapanawagan siya sa kay LTFRB NIR regional director Atty. Gerry Llena sa pagpatawag sang paghinun-anon sa mga taxi drivers kag operators agud nga sila maathagan angot sa ginapatuman nga bag-o nga flag down rate.
