Ginkasal na sanday pop superstar Taylor Swift kag NFL player Travis Kelce sa isa ka pribado nga seremonya nga gintambongan sang ila mga pamilya kag abyan.
Apang, wala pa sang opisyal nga kumpirmasyon halin sa duha, kag wala man ginsambit sa report kun diin ginhiwat ang seremonya kag kun ano nga petsa.
Wala man naghatag sang pahayag ang publicist ni Swift.
Samtang, nagahanda na sa Madison Square Garden sa New York para sa ginalauman nga dako nga selebrasyon sang mag-asawa.
Santo sa mga report, may ipatigayunon nga pagtililipon para sa kapin 100 ka mga bisita, nga pagasundan naman sang mas dako nga selebrasyon nga tambongan sang masobra 1,000 ka indibidwal.
Nagpatuman naman sang road closures kag hugot nga seguridad sa palibot sang venue.
Sa tunga sang preparasyon, gin-anunsyo man sang publicity team ni Swift nga nag-donate sanday Swift kag Kelce sang $26 million sa nagkalain-lain nga charity sa New York kag iban pa nga lugar sini nga semana.
