Nagpanawagan sang suporta si Bacolod City Mayor Alfredo ‘Albee’ Benitez sa kun ano man ang mangin desisyon sang Team Asenso bangod nga tuyo lamang sini amo ang ikaayo sang ciudad.
Sa interview sang Bombo Radyo Bacolod kay Punong Barangay Caesar Distrito sang Barangay Sincang-Airport kag spokesperson sang alkalde, nagpatigayon ang alkalde sang Team Asenso get together night sang Domingo.
Yara didto ang tanan nga konsehal, mga punong barangay kag Sangguniang Kabataan Chairman, kasubong man si Negros Occidental Governor Eugenio Jose ‘Bong’ Lacson kag Bacolod City Lone District Congressman Greg Gasataya.
Suno kay Distrito, naga-ayo sang suporta ang alkalde sa desisyon sini sa pagbaton sang boto para sa paghugpong sang tanan.
Dugang pa ni Distrito, ang Asenso Night ang indi lamang para sa political machinery apang ini ang para man nga mapabakod ang maayo nga relasyon sang isa kag isa.
Samtang, lauman naman ang plastada sang linyada sang team Asenso sa Oktubre sa pagfile sang Certificate of Candidacy (COC) para sa May 2025 midterm elections.
