Natalana nga maga-file sang Certificate of Candidacy ang Team Asenso bwas nga adlaw alas- 9:00 sang aga tutbob alas- 12:00 sang udto.
Sa interview sang Bombo Radyo kay Bacolod City Councilor Claudio Jesus “Kalaw” Puentevella, mismo si Mayor Alfredo ‘Albee’ Benitez ang nakakita kag nakamonitor sa performance kag trabaho sang mga opisyales sang ciudad.
Ini kasunod sa huring-huring nga posible si councilor Puentevella ang iduso sang grupo para sa pagka-bise alkalde.
Suno sa konsehal, indi ini makahatag sang opinyon angot sa nagalapta nga esturya kag hulaton na lamang kun ano man ang mangin desisyon sang team Asenso bwas sa ulihi nga adlaw sang pagfile sang COC.
Suno pa diri, nakalisensya na ang grupo sa Sangguniang Panlungsod para sa patigayunon nga road closure bwas alas- 9:00 sang aga tubtob alas- 12:00 sang udto para sa pagfile sang Team Asenso sang COC.
