Natalana nga magfile sang Certificate of Candidacy ang Team Asenso sa Oktobre 8.
Sa interview sang Bombo Radyo Bacolod kay Brgy Singcang-Airport Punong Barangay Atty. Caesar Distrito, spokesperson ni Bacolod City Mayor Alfredo ‘Albee’ Benitez, siya ang magasunod sa liderato sang Team Asenso kag sila ang dululungan nga magafile sang COC para sa 2025 midterm elections sa last day sang filing.
Panawagan naman sang alkalde nga sa tion nga siya ang makapagwa na sang desisyon kun ano ang padalaganan, sundon, respetuhon kag suportahan sang mga miyembro kag sang ila pamilya ang iya mangin desisyon.
Ini apisar sa pagfile sang 33 ka mga Punong Barangay sang petition letter nga nagapanawagan sa pagpareelect ni Mayor Albee Benitez.
Paathag ni Distrito nga ang Team Asenso ang amo sagihapon nga team nga nagpapili sang 2022 Barangay Elections.
Samtang nakadepende man kay Benitez kun i-nullify ang resulta sang ginpatigayon nga convention para sa duha ka bakante nga pwesto bilang konsehal sa line-up sang Team Asenso.
Kun ini ang manullify, mahimo nga personal nga magapili ang alkalde gikan sa mga nominee, ukon magabutang sang personalidad nga wala nalakip sa nomination.
Paathag ni Distrito nga may kinamatarong ang alkalde bangod umpisa pa lamang, wala man gintahod ang panawagan sini nga neutrality sa pagpatigayon sang convention.
