Gin-umpisahan na sang Team ang ila preparasyon para sa Paris Olympics, subong nga adlaw, Hulyo 7.
Umpisahan na sang world No. 1 team ang training camp sa Las Vegas kag sa Huwebes, July 11, 2024, magahampang sa exhibition game batok sa Team Canada.
Kaangay sang FIBA 2023, magaserbe sagihapon nga head coach ang batikan nga Golden State Warriors coach nga si Steve Kerr.
Ang Team USA ang ginabug-usan sang mga dalagko nga pangalan nagikan sa NBA nga ginabug-usan nanday Stephen Curry, Lebron James, Devin Booker, Anthony Davis, Kevin Durant, Anthony Edwards, Joel Embiid, Tyrese Haliburton, Jrue Holiday, Kawhi Leonard, kag Jayson Tatum
Santo sa una nga pahayag ni coach Kerr, posible nga maghampang si Lebron James bilang point forward kag pagapangunahan ang mga transition plays samtang ang 3 point king ang posible nga gamiton sa off ball offense.
Suno pa kay Coach Kerr, naestorya na sini sanday Curry kag Lebron nga duha sa pinakamaayo nga player sa NBA kag naestoryahan ang angot sa pag-updanay sang duha sa torneo.
Ang duha nga ginakabig nga ‘generational player’ sang NBA ang magkasumpong sa apat ka magkasunod nga Finals sadtong 2015, 2016, 2017, kag 2018.
Tatlo ka championship ang ginbulsa ni Curry samtang isa naman ang nadag-an ni Lebron.
Apang suno kay Coach Kerr, lunsay nga malipayon sanday Curry kag Lebron sa pag-updanay sa isa ka team, kaupod ang iban pa nga batikan nga NBA player nga kadam-an ang mga champion.
