Magapatigayon sang pagsinapol ang Technical Working Gorup sang Negros Island Region sa Manila sa Biyernes para sa pagdihon sang implementing rules and regulations sang layi nga nagtukod sang rehiyon.
Lauman ang presensya sang tatlo ka gobernardor nga amo sanday Negros Occidental Governor Eugenio Jose ‘Bong’ Lacson, Negros Oriental Governor Manuel “Chaco” Sagarbarria kag Siquijor Governor Jake Vincent Villa.
Yara man ang tiglawas sang Department of the Interior and Local Government (DILG), National Economic and Development Authority (NEDA) kag Department of Budget and Management (DBM).
Suno kay Lacson, pagatalakayon ang Implementing Rules and Regulations (IRR) para sa bag-o nga region kag igaduso man sini sa mga kongresista sang tatlo ka probinsya nga pangitaan sang pamaagi nga malakip sa 2025 national budget ang NIR.
Kasubong man nga luyag sini nga matalakay ang pagplastar sang mga regional offices.
Samtang, nagpasalig man si Negros Occidental 5th District Representative Dino Yulo nga ila tinguhaan nga mapangitaan sang pamaagi nga mapasulod ang Negros Island Region sa 2025 national budget.
Apang, suno diri may yara pa man sang nabilin nga budget gikan sa 2024 national budget nga mahimo nga magamit.
Ini bangod nga may shared budget ang probinsya sang Negros Occidental sa Region 6 kun sa diin una ini nga nalakip kag ang probinsya sang Negros Oriental kag Siquijor naman ang may shared budget man gikan sa Region 7.
