Magaabot sa masunod nga semana ang mga technician nga magakaayo sang wala nagaandar nga closed circuit television (CCTV) camera sang ciudad sang Bacolod.
Sa interview sang Bombo Radyo kay Dr. Anna Maria Laarni Pornan, pinuno sang Bacolod City Disaster Risk Reduction and Management Office, ginabanta 20 porsyento sang 112 ka CCTV cameras sang ciudad ang indi makasend sang feed sa control center bangud sa pila ka problema kag isa na diri ang mahimo problema sa internet connection.
Bangud sini, 90 lang ka camera ang nagafunction sa karon.
Ang mga camera ang nakainstall sa strategic nga mga lugar kaangay sang dalan kag ginagamit sa pagmonitor ang dalagan sang trapiko, aksidente sa dalan ukon pagbaha kun madamol ang pagtupa sang ulan.
Apang ang iban sa indi magnubo 20 ka camera suno kay Pornan ang gulpi lang naga-off gani indi na makapadala sang feed sa CCTV room.
Ang technical team sang kompaniya nga ginbaklan sang CCTV camera ang magahalin sa Cebu.
Suno sa CDRRMO head, indi pwede matsekyar sang iban nga technician ang mga camera bangud ang nagikan lamang sa supplier ang nakahibalo sini.
