Ginbatak na sang Department of Agriculture (DA) ang pagban sa importasyon sang domestic kag wild birds kasubong man sang poultry products halin sa France.
Santo sa Memorandum Order No. 13 nga gin-issue ni Agriculture Secretary Francisco Tiu Laurel Jr., nagreport ang French veterinary authorities sa World Organisation for Animal Health (WOAH) nga naresolba na ang tanan nga reported nga kaso sang highly pathogenic avian influenza (HPAI) kag wala na sang dugang pa nga outbreak humalin sang Pebrero 14, 2025.
Madumduman nga sang Setyembre tinalikdan nga tuig, nag-order ang DA sang temporaryo nga ban sang importasyon sang birds kag poultry products halin sa France.
Samtang, nagpasalig man ang DA sang padayon nga monitoring sa tanan nga naga-abot nga shipments nga may stikto nga quarantine protocols agud masiguro nga indi mahalitan ang biosecurity sang pungsod.
