Ginpatuman ang temporary road closure sa bahin sang Hernaez Avenue, sa Bangga Pari padulong sa Aliji-Murcia Road bangod sa ginapatigayon nga kapiestahan sa Brgy Mansilingan, Bacolod City.
Ang road closure ang ginpatuman kaina alas- 8:00 sang aga tubtob alas- 3:00 sang kaagahon.
Ang dalan ang sirado tubtob bwas nga adlaw sa amo man nga oras, alas- 8:00 sang aga tubtob alas- 3:00 sang kaagahon.
Sa interview sang Bombo Radyo kay Bacolod Traffic Authority Office (BTAO) Deputy Head Jose Antonio Robello, may permit ang barangay para sa road closure kag ini ang ila gintugotan para sa selebrasyon sang kapiestahan.
Suno diri, lantawon pa sini kun may yara sang road diversion ukon traffic plan nga dapat idihon pananglitan nga mangin mabug-at ang lakat sang trapiko.
Apang, abiso sini nga lauman nga basta may road closure may yara gid sang mabug-at nga lakat sang trapiko.
