-- ADVERTISEMENT --
Ginrekomendar sang Department of Agriculture kay President Ferdinand “Bongbong” Marcos Jr. nga temporaryo anay nga pauntaton ang importasyon sang bugas kag pataasan ang taripa sa imported rice agud maprotektahan ang local nga mga mangunguma.
Suno kay Presidential Communications Office (PCO) Secretary Dave Gomez, pagaistoryahan sang Gabinete ang ini nga issue sa sidelines sang state visit sang Presidente sa India humalin Agosto 4 tubtob 8.
Wala pa sang may ginhatag nga detalye natuhoy sa insakto nga pagsaka sang taripa ukon kun ano kalawig ang plano nga suspension sang rice importation.
Suno kay Gomez, ang mga detalye ang pagadiskusyunan kag makasugtan pa sa palaabuton.
