Liwat nga nag-ibwal ang tensyon sa tunga sang Thailand kag Cambodia matapos naglunsyar ang Thailand sang air strikes sa may disputed border sini sa Cambodia, suno sa Thai military kahapon.
Ini matapos magbinasulay ang parehas nga pungsod sa paglapas sa ceasefire agreement nga gindihon ni US President Donald Trump.
Sa isa ka statement, ginkumpirmar sang Thailand military nga napatay ang isa ka suldado nga Thai kag pilason ang apat pa ka mga persona sa pag-atake sang Cambodia sa duha ka mga lugar sa easternmost province sang Ubon Ratchathani.
Kaangot sini, ginsuguran na sang Thailand ang paggamit sang aircraft para maigo ang target sini nga military sang Cambodia sa nagkalain-lain nga lugar.
Sa bahin naman sang Cambodia, ginpahayag sang defense ministry nga ang Thai military ang naglunsyar sang pag-atake sang kaagahon sa ila nga pwersa sa duha ka lokasyon kasunod sang pila ka adlaw nga provocation kag wala nagbalos ang ila mga tropa.
