Tent City sa ciudad sang Himamaylan, temporaryo nga sirad-an suno sa Task Force Kanlaon

Temporaryo nga sirad-an ang Tent City sa ciudad sang Himamaylan.

Ini suno sa pahayag ni Task Force Kanlaon Head Dir. Raul Fernandez

Nahibaluan nga gintukod ang 300 tent units sa Himamaylan City agud kuntani masayluhan sang mga evacuees inkaso magsaka sa Alert Level 4 ang status sang Bulkan Kanlaon.

Apang ini ang wala magamit, samtang nagpanaog naman sa Alert Level 2 ang status sang bulkan.

Katunga sa mga tent units ang ginapahayag nagguba ukon nagkalagisi bangod sa makusog nga hangin kag ulan sang nakaligad.