Nagapati si ACT Partylist Representative Antonio Tinio nga “reward” sang mga pulitiko para sa mga brgy officials nga amo ang political machinery ang pag-postpone sang Barangay and Sangguniang Kabataan Elections (BSKE) 2026 kag ang term extension.
Madumduman nga aprubado na sa third and final reading sang Senado ang Senate Bill No. 2387 ukon ang 5-year term sang Brgy and Sk Officials, sa boto nga 13-5-0.
Sa interview sang Bombo Radyo kay Tinio, ginpakigbato sini sa House Plenay nga dayunon ang BSKE 2026 bangud suno diri dapat respetuhon ang kinamatarong sang mga pumuluyo sa pagboto sang bag-o nga brgy official.
Bangud sa masami nga postponement sang BSKE kag pag-abuso sang kongreso sang ila gahum, ginpahayag ni Tinio nga iban sa mga SK ang indi na kabataan kag may mga pamilya na.
Sa pihak sini, nagalaum ang ACT Partylist Representative nga maaprubahan sa Korte Suprema ang Temporary Restraining Order (TRO) nga ginfile ni Election lawyer Atty. Romulo Macalintal sa Korte Suprema kun aprobahan ni President Ferdinand Marcos Jr., ang pag-postpone sang BSKE.
