Ginpahayag ni Bacolod City Lone Ditrict Representative Albee Benitez nga mangin oportunidad ang 5-year term extension sa mga Brgy kag SK Officals nga mapanami ang ila mga programa kag serbisyo.
Ginapakamaayo sang Kongresista nga napirmahan ni President Ferdinand Marcos Jr. Ang hagna nga maga-extend sang tubtob lima ka tuig sa termino sang mga Brgy kag Sk officials antes ang filing sang Certificate of Candidacy (COC) nga natalana kuntani sa Lunes, Setyembre 28.
Ini agud suno kay Benitez, mahatagan ang Commission on Election (COMELEC) sang adjustment para sa re-setting sang eleksyon.
Sa karun, ginpahayag sini nga nagasigulanon siya sa Department of the Interior and Local Government (DILG) nahanungod sa governance issue.
Ini bangud suno sa iya, madugay kag indi mahapos ang pagpatuman sang tikang kun natuhoy na sa gobyerno.
Paagi sa term extension, ginalantaw ni Benitez nga mas makaplastar ang gobyerno agud masiguro nga ang performance sang incumbent brgy official ang mas mapanami pa gid.
Nagapati ang Kongresista nga mas maayo kun same set lang sa gihapon ang mga opisyal bangud mahapos nalang ang learning curve kag orientation sang mga bag-o nga programa nga ipatuman.
Ginpasiguro man sini nga wala sang dapat kahangaw-an ang mga constituents bangud gina-monitor sang DILG kun may indi maayu nga performance ang isa ka brgy official.
