Ginarekomendar sang convenor sang Amlig-Tubig nga i-terminate ang kontrata sa tunga sang Bacolod City Water District (BACIWA) kag Prime Water Inc bangud sa palpak nga Joint Venture Agreement (JVA).
Suno kay anay Councilor Wilson Jun Gamboa, satisfied sila sa ginahimo sang chairperson sang Committee on Energy and Public Utilities sang Sangguniang Panlungsod sang Bacolod.
Suno kay Gamboa, dapat nga iterminate ang kontrata sa tunga sang Bacolod City Water District (BACIWA) kag Prime Water Inc kag ibalik sa ownership, management kag control sa BACIWA.
Suno diri, ginahulat man sang Amlig-Tubig ang desisyon sang city government sang Bacolod kun paano masolbar ang problema sa supply sang tubig bangud sa kakulangan sang BACIWA kag Prime Water Inc.
Suno pa kay Gamboa, nagakadapat gid nga ireview ang Joint Venture Agreement (JVA).
Suno diri, wala gid mameet sang Bacolod City Water District (BACIWA) kag Prime Water Inc ang standard nga serbisyo nga dapat nila ihatag sa mga pumuluyo.
Nagapati man ini nga kun ang nasambit nga water distributor ang nagkuha sang water source sa surface water, nangin supisyente ang supply sang tubig nga ginahatag sang mga ini sa mga kunsumidor.
