Ginafinalize na sang Bids and Awards Committee sang syudad sang Bacolod ang terms of reference para sa bidding sang masunod nga garbage hauler sang syudad.
Sa interview sang Bombo Radyo Bacolod kay Jean Ramos, chairperson sang Bids and Awards Committee, ginafinalize na nila ang terms of reference para sa masunod nga bidder kaupod ang Department of Public Services nga nangin focal kag may yara sang man sang technical working group nga nagikan sa Bids and Awards Committee.
Suno kay Ramos, ang mga comment kag suggestion ang ginakonsiderar man sang opisina sang DPS kasubong man sang technical working group sang solid waste management board.
Suno diri natalana naman nga ipost sa PhilGeps ang ginadihon sang mga ini nga terms of reference para sa bidding sang masunod nga garbage hauler bilang compliance sa RA 9184 ukon ang Procurement Law.
Natalana naman ini nga ipaidalom sa pre bidding conference nga patigayunon sa Pebrero 24.
Matapos sini ang bidding proper ang natalana sa March 9 kag ini ang bukas sa tanan nga mga interesado nga bidders.
