Indi pa makadesisyon si Technical Education and Skills Development Authority (TESDA) Director General Jose Francisco “Kiko” Benitez kun magabalik siya sa Kongreso kag magapapili liwat bilang representative sang 3rd District sang Negros Occidental sa 2028.
Ini ang ginpahayag ni Benitez sang ginpamangkot ang sa kun magdesisyon ang iya hinablos nga si 3rd District Representative Javier Miguel “Javi” Benitez nga magpapapili bilang gobernador sang Negros Occidental.
Suno diri, malayo pa ang 2028 kag madamo pa sang trabaho nga dapat atubangon antes siya makahimo sang final nga desisyon.
Ginpahayag man niya nga wala pa siya nagadesisyun kun magabalik sa Kongreso, magapabilin sa TESDA, ukon magabalik sa pribado nga sektor pagkatapos sang iya termino.
Suno kay Kiko, kun magadesisyon si Javi nga magadalagan gobernador, isa sa iya mga ginakonsiderar amo ang pagbalik bilang representante sang 3rd District.
Apang bukas man gihapon siya sa posibilidad nga magapabilin sa TESDA tubtob matapos ang iya termino kag pagkatapos sini magabalik sa pribado nga kabuhi.
